O Fascismo o l’À Proibio o Zeneise?

A stöia ch’a se conta a l’é ben conosciua: o regimme contra i dialetti, cacciæ via da scheue e giornali. A campagna naçionale a gh’é stæta, ma in Liguria – o l’osserva o prof. Fiorenso Toso – o quaddro o l’é ciù ambiguo. Repiggiando in ciave naçionalista e glöie mediterranee da Repubrica e i miti do Combo e do Balilla, o fascismo o l’à trovou inte unna lettiatua dialettale «alliniâ» un aggiutto pe-a seu propaganda, e o l’à deuviou e communitæ de lengua ligure in Còrsega e into Nissardo pe giustificâ l’irredentiximo; o Gilberto Govi o l’à portou in tournée in Sudamerica unn’«italianitæ» ch’a ghe piaxeiva a-o regimme.

Pe-o declin do zeneise, ciù che e proibiçioin an posciuo a modernizzaçion e unn’idea neuva e discriminatöia: o zeneise comme segno de marginalitæ.