Xeneizes: Perché o Boca o Parla Zeneise

À Bonesaire a-i tifoxi do Boca Juniors se ghe dixe Xeneizes: a l’é a poula zeneixi scrita a-a spagnòlla. O club o nasce do 1905 a-a Boca, o quartê do pòrto donde za da-i anni Trenta do secolo XIX gh’ea unna fòrte communitæ ligure – mai tanto fòrte che pe tanti anni a lengua da stradda a l’é stæta o zeneise, e da-o seu incontro co-o spagnòllo l’é nasciuo fiña un gergo, a «lengua giacumina».

O zeneise da Boca o s’é squæxi asmortou, ma tutte e domeneghe a-o stadio da Bombonera o seu nomme o l’é ancon criou da çinquantamia persoñe.