L’Inno no Offiçiale de Zena

Un zeneise emigrou in America Latiña o l’à fæto fortuña, ma un pensceo o no ghe dà paxe: tornâ inderê. «Ma se ghe penso» (1925, versci do Mario Cappello, muxica do Attilio Margutti) o l’à cangiou quello magon inte un inno.

Da un secolo o se canta a-o stadio, inti cöi, inte feste e inti lutti da çittæ: nisciuña lezze a l’à mai dito, ma l’inno de Zena o l’é questo – e o l’é ascì l’inno da Zena spantegâ pe-o mondo. O seu zeneise cian e diretto o l’é fòscia o testo ciù cantou inta nòstra lengua.