A Damma ch’a l’À Dæto o Legnetto – In Zeneise

Verso o 1190 o trovatô Raimbaut de Vaqueiras o scrive «Domna, tant vos ai preiada», un contrasto bilingue: o poeta o fa a corte in occitan, a lengua da poexia; a damma zeneise a ghe dixe de no inta lengua de casa: «Jujar, voi no sei corteso».

A l’é uña de ciù antighe testimonianse letteräie de un volgare de l’äia italiaña, ben ben de anni primma da Scheua siçiliaña. E o zeneise o no gh’é pe fâ da comparsa: verso pe verso, o ten testa a-a lengua di trovatoî. A voxe de quella damma a l’é a primma pagina da lettiatua in zeneise.