Tra Portogheixi e Indien se Parlava Zeneise

Mazzo do 1498: i barchi de Vasco da Gama arrivan à Kozhikode – Calicut – in sciâ còsta do Malabar. I primmi colloqui son poscibili graçie à doî interpreti feua do commun: doî möi de Tunexi che, o l’annòtta o mainâ Álvaro Velho into seu Roteiro da spediçion, «sabiam falar castelhano e genovês» – ean boin à parlâ spagnòllo e zeneise.

À l’atro cavo do mondo, a lengua de Zena a l’ea monæa corrente: secoli de trafeghi mediterranei l’aivan fæta unna lengua franca che un interprete tunexin o l’aiva tutto l’interesse à conosce. O primmo scangio de poule tra l’Euröpa do Vasco da Gama e l’India o l’é passou anche da lì.