O Ligure ch’o s’Imprende à Monego

O monegasco, o parlâ do Prinçipato de Monego, o l’é à tutti i effetti unna varietæ ligure, arrivâ in sciâ Ròcca inte l’Etæ de mezo. A seu lettiatua a nasce do 1927 co-a «Legenda de Santa Devota» do Luì Notari, e l’inno naçionale o se canta in monegasco.

Da-o 1976 a lengua a s’insegna inte scheue do Prinçipato, fin à un examme a-o baccalauréat, e da-o 1981 unn’Académie des Langues Dialectales a ne cua o studio e a promoçion. Piccin comm’o l’é, o Prinçipato o fa vedde cöse peu fâ unna politica linguistica ch’a ghe credde.

Bibliografia

Fiorenzo Toso, La letteratura ligure in genovese e nei dialetti locali. Profilo storico e antologia, vol. VII, Il Novecento, Le Mani, Recco 2009, pp. 34–38, in part. pp. 37–38.

Claude Passet, «Lo studio scientifico del monegasco: inventario e progetti», in Stefano Lusito (a cura di), Atti del Convegno internazionale di studio e riflessione sul patrimonio linguistico della regione intemelia (Ventimiglia, 5 ottobre 2024), Editions EGC, Monaco 2025, pp. 13–30, in part. pp. 13–15.

Claude Passet, «Statut de la langue monégasque dans l’enseignement scolaire et universitaire», Académie des Langues Dialectales.

Stefano Lusito, «Il monegasco e i dialetti liguri costieri dell’area intemelia: alcuni dati campionari per una definizione dei rispettivi rapporti di divergenza», Linguistik online, 133/1 (2025), pp. 23–64, in part. pp. 23–25.

Louis Notari, A legenda de santa Devota, Imprimerie Monégasque, Monte-Carlo 1927.

Alessandro Guasoni, «Luì Notari (1879–1961)», in Antologia da lettiatua ligure, Conseggio pe-o patrimònio linguistico ligure, 2024–.