Viva, ma no Reconosciua

O ligure o l’é ancon parlou da çentanæa de miggiæa de persoñe, ma l’UNESCO a dixe ch’o l’é «definitely endangered»: a trasmiscion a-i figgeu a s’é squæxi streppâ. E pe-o Stato italian a nòstra lengua a no l’existe: a lezze 482/1999 a protezze dozze minoranse linguistiche, e o ligure – comme o piemonteise, o veneto, o siçilian ò o napolitan – o no gh’é.

Escì che a lengua a l’é viva: a se pubrica, a s’insegna, a se traduxe (fiña Topolino, da-o 2026), a l’à di diçionäi digitali e unna communitæ ch’a â deuvia tutti i giorni. Sto museo o l’existe pe questo: pe fâ vedde cöse cointemmo à perde – e cöse poemmo sarvâ.