O Ligure ch’o s’Imprende à Monego

O monegasco, o parlâ do Prinçipato de Monego, o l’é à tutti i effetti unna varietæ ligure, arrivâ in sciâ Ròcca inte l’Etæ de mezo. A seu lettiatua a nasce do 1927 co-a «Legenda de Santa Devota» do Luì Notari, e l’inno naçionale o se canta in monegasco.

Da-o 1976 a lengua a s’insegna inte scheue do Prinçipato, fin à un examme a-o baccalauréat, e da-o 1981 unn’Académie des Langues Dialectales a ne cua o studio e a promoçion. Piccin comm’o l’é, o Prinçipato o fa vedde cös’a peu fâ unna politica linguistica ch’a ghe credde.